9.11.2006
Eiga Sai
Ngayong Setyembre magpapalabas na naman ng mga pelikulang Hapon ang Japanese Foundation Manila sa Shangrila-Plaza, Cultural Center of the Philippines at UP Film Institute. 11 Pelikula ang kanilang ipapalabas mula Sept. 13-19 (Shangri-La Plaza), Sept. 26-30 (CCP Dream Theater) at Oct. 2-3 (UP Film Institute).
Sa 11 isa na ipapakita masasabi kong 2-3 ang may pinakamatimbang na papanoorin.
- Nominado noong 2002 sa Academy Awards bilang Best Foreign Film, isa itong karaniwang kuwento ng paghihiganti at pagtanggol sa naapi. Umiikot sa pangunahing katuhan na si Seibei Iguchi ang pelikula, sinusubukang sagapin ang isang babaeng binubugbog ng kanyang asawa.
- Apat na ang napanood kong pelikula mula kay Kiyoshi Kurosawa, ang Pulse (Kairo), Kyua (Cure), Doppelganger (Dopperugenga) at Shoot Yourself or Suit Yourself (Katte ni shiyagare!! Gyakuten keikaku). Masasabi kong isa siya sa pinakamagaling na direktor ngayon sa Japan at isang karagadagan naman sa kakaibang mga tema ang pelikulang ito. Dalawang nababagot na binatang magkaibigan na parehong nagtratrabaho sa pagawaan ng basang tisyu na nakikita sa mga kainan. Hindi ko maiwasan isipin kung paano gagamitin ni Kurosawa na simbolismo ang jellyfish na alaga ng isa sa mga tauhan.
3) Alley Cat/Playboy (Dora Heita)
- Galing ang screenplay ng pelikulang ito sa apat sa pinakamagagaling na direktor sa Japan na sina Akira Kurosawa, Keisuke Kinoshita Masaki Kobayashi at Kon Ichikawa. Si Ichikawa lang ang natitirang buhay at pinagpatuloy na gawin ang pelikulang ito. Nababalot ang kuwentong ito sa korupsyon at laganap ng krimen sa isang bayan. Pinadala rito si Koheita upang linisin ang bayan sa kanilang kasamaan at mailagay ang kanyang sariling kapangyarihan.
Idagdag ko rin ang Owl, All Under the Moon at Laughing Frog na may magagandang istora. Bisitahin ang www.jpmo.org.ph para sa karagdagang impormasyon.
Read or Post a Comment
<< Home